இலங்கைக்கும் இந்தியாவுக்கும் இடையில் பயணிகள் கப்பல் போக்குவரத்தை ஊக்குவிக்க நடவடிக்கை !

பயணிகள் கப்பல்கள் மற்றும் கப்பல்கள் மூலம் இலங்கையை விட்டு வெளியேறும் பயணிகளிடம் தற்போது அறவிடப்படும் விலகல் வரியை குறைக்க அரசாங்கம் தீர்மானித்துள்ளது.

இன்று நடைபெற்ற அமைச்சரவை தீர்மானங்களை அறிவிக்கும் வாராந்த ஊடக மாநாட்டில் அமைச்சர் பந்துல குணவர்தன இந்த அறிவிப்பை வெளியிட்டார்.

தற்போது இலங்கையிலிருந்து பயணிகள் கப்பல்கள் மற்றும் கப்பல்கள் மூலம் வெளியேறும் பயணிகளுக்கு 5 டொலரும் 20 அமெரிக்க டொலர்களும் அறவிடப்படுகின்றது,

மேலும், பயணிகள் கப்பலில் செல்லும் ஒரு பயணிக்கு 60 கிலோ வரை பயண பொதிகளை இலவசமாக எடுத்துச் செல்ல அனுமதி வழங்கப்பட்டுள்ளது.

இலங்கைக்கும் இந்தியாவுக்கும் இடையிலான கடல்சார் பயண போக்குவரத்தை மேம்படுத்துவது மற்றும் சுற்றுலாத்துறையை மேம்படுத்துவதே நோக்கமாக கொண்டு இந்த நடவடிக்கை எடுக்கப்பட்டுள்ளது.