சில மாதங்களில் காஸாவில் முழுமையான வெற்றி சாத்தியமாகும் – பெஞ்சமின் நெதன்யாகு

காஸாவில் முழுமையான வெற்றி சில மாதங்களில் சாத்தியமாகும் என இஸ்ரேலின் பிரதமர் பெஞ்சமின் நெதன்யாகு தெரிவித்துள்ளார்.

அதேவேளை, ஹமாஸின் முன்மொழியப்பட்ட போர்நிறுத்த விதிமுறைகளையும் பிரதமர் பெஞ்சமின் நெதன்யாகு நிராகரித்ததுள்ளார்.

முழுமையான மற்றும் இறுதி வெற்றியைத் தவிர வேறு தீர்வு இல்லை எனவும் ஹமாஸின் விதிமுறைகள் வினோதமானது எனவும் அவர் விபரித்துள்ளார்.

எகிப்து மற்றும் கட்டார் மத்தியஸ்தம் கொண்ட புதிய சுற்று பேச்சுவார்த்தைகள் இன்று (வியாழக்கிழமை) கெய்ரோவில் தொடரும் என்று எதிர்பார்க்கப்படுவதாக எகிப்திய அதிகாரி ஒருவர் தெரிவித்துள்ளார்.

அமைதியான உடன்பாட்டை எட்டுவதற்கு அர்பணிப்புக்களை வழங்குமாறு அனைத்து தரப்பினரையும் எகிப்து அழைப்பு விடுத்துள்ளது.

ரொய்ட்டர்ஸ் செய்தி நிறுவனம் பார்த்த ஹமாஸ் ஆவணத்தின் வரைவு இந்த விதிமுறைகளை பட்டியலிட்டுள்ளது:

முதல் கட்டம்: சண்டையில் 45 நாள் இடைநிறுத்தம், இதன் போது அனைத்து இஸ்ரேலியப் பெண்கள் பணயக்கைதிகள், 19 வயதுக்குட்பட்ட ஆண்கள், முதியவர்கள் மற்றும் நோயாளிகள் இஸ்ரேலிய சிறைகளில் இருக்கும் பாலஸ்தீனிய பெண்கள் மற்றும் குழந்தைகளுக்கு பரிமாறிக்கொள்ளப்படுவார்கள். இஸ்ரேலியப் படைகள் காஸாவின் மக்கள்தொகைப் பகுதிகளிலிருந்து வெளியேறும், மேலும் மருத்துவமனைகள் மற்றும் அகதிகள் முகாம்களின் மறுசீரமைப்பு தொடங்கும்.

கட்டம் இரண்டு: மீதமுள்ள ஆண் இஸ்ரேலிய பணயக்கைதிகள் பாலஸ்தீனிய கைதிகளுக்கு மாற்றப்படும் மற்றும் இஸ்ரேலிய படைகள் காசாவை விட்டு முழுமையாக வெளியேறும்.

மூன்றாம் கட்டம்: இரு தரப்பினரும் எச்சங்கள் மற்றும் உடல்களை பரிமாறிக் கொள்ள வேண்டும். முன்மொழியப்பட்ட ஒப்பந்தம் காசாவிற்கு உணவு மற்றும் பிற உதவிகளின் விநியோகத்தை அதிகரிக்கும்.

சண்டையின் 135 நாள் இடைநிறுத்தத்தின் முடிவில், போரை முடிவுக்குக் கொண்டுவருவதற்கான பேச்சுவார்த்தைகள் முடிவுக்கு வந்திருக்கும் என்று ஹமாஸ் கூறியது.

கடந்த ஆண்டு ஒக்டோபர் 7ஆம் திகதி தெற்கு இஸ்ரேல் மீது ஹமாஸ் நடத்திய தாக்குதலில் சுமார் 1,300 பேர் கொல்லப்பட்டனர்.

ஹமாஸ் நடத்தும் சுகாதார அமைச்சின் கூற்றுப்படி, பதிலுக்கு இஸ்ரேல் நடத்திய போரில் 27,700க்கும் மேற்பட்ட பாலஸ்தீனியர்கள் கொல்லப்பட்டுள்ளனர் மற்றும் குறைந்தது 65,000 பேர் காயமடைந்துள்ளனர்.