ஹவுதி அமைப்புக்கு எதிராக, அமெரிக்கா மீண்டும் தாக்குதல்

யேமனில் ஹவுதி அமைப்புக்கு எதிராக, அமெரிக்கா அதிக தாக்குதல்களை நடத்தியதாக அமெரிக்க மத்திய கட்டளையகம் (சென்ட்காம்) வெளியிட்டுள்ள அறிக்கையில் தெரிவிக்கப்பட்டுள்ளது.

செங்கடலில் கப்பல்களுக்கு எதிராக ஏவத் தயாராக இருந்த தரைவழி தாக்குதல் ஏவுகணை மற்றும் நான்கு கப்பல் எதிர்ப்பு ஏவுகணைகளை அமெரிக்கப் படைகள் தாக்கியதாக சென்ட்காம் கூறியுள்ளது.

ஹவுதி இலக்குகள் மீது அமெரிக்கா மற்றும் பிரித்தானியா கூட்டு தாக்குதல் நடத்திய ஒரு நாள் கழித்து இந்த தாக்குதல் நடத்தப்பட்டுள்ளது மற்றும் செங்கடலில் இராணுவ மற்றும் வணிகக் கப்பல்கள் மீது ஈரான் ஆதரவுக் குழுவின் தொடர்ச்சியான தாக்குதல்களைத் தொடர்ந்து இந்த தாக்குதல் நடத்தப்பட்டுள்ளது.

ஹவுதி அமைப்பின் தாக்குதல்கள் சர்வதேச வர்த்தகத்தை பாதிக்கும் முக்கிய கப்பல் நிறுவனங்களின் நீர்வழிப்பாதையைத் தவிர்க்க நிர்பந்தித்துள்ளன.

எகிப்து சூயஸ் கால்வாயில் இருந்து அதன் வருவாய் ஜனவரி மாதத்தில் கிட்டத்தட்ட பாதி சரிந்துள்ளது, கடந்த மாதத்திலிருந்து பயணிக்கும் கப்பல்களின் எண்ணிக்கை மூன்றில் ஒரு பங்கிற்கும் அதிகமாக குறைந்துள்ளது.

கடந்த வாரம் ஜோர்தானில் உள்ள இராணுவ தளத்தின் மீது எதிரி ஆளில்லா விமானம் நடத்திய தாக்குதலில் மூன்று வீரர்கள் இறந்ததற்கு அமெரிக்கா பதிலடி கொடுத்து வருகின்றது.

இந்த தாக்குதலில் ஈரானின் தலையீடு இருப்பதாக அமெரிக்கா குற்றம் சாட்டியுள்ள போதும், இந்த தாக்குதலில் எந்த தொடர்பும் இல்லை என்று ஈரான் மறுத்துள்ளது. எனினும், அதன் துணை அமைப்பான ஈராக்கில் உள்ள இஸ்லாமிய எதிர்ப்பு அமைப்பு பொறுப்பேற்றுள்ளது.